கடன் திட்டத்தின் பெயர்

சிறு வணிகர் கூட்டுப்பொறுப்புக்குழு

நோக்கங்கள்

1) எளிதில் கடன் பெற இயலாத சிறுவணிகர்களை ஒருங்கிணைத்து, கூட்டுப்பொறூப்புக்குழுக்கள் அமைத்து சிறுவணிகக் கடன் பெறுவதற்கான வாய்ப்பை உருவாக்குதல்
2) தேவைப்படும் பகுதியில் சிறுவணிகர்களை ஒருங்கிணைத்து கூட்டுப்பொறுப்புக்குழுக்கள் அமைத்து அவர்களை ஊக்குவித்து சேமிப்பு மூலம் குழுக்களின் சுயதேவைகளை நிறைவு செய்தல்.
3) தேவைப்படும் சிறுவணிகக்கடன் களை தனித்தனியாகவோ அல்லது குழுவாகவோ பெற்று உறுப்பினர்களிடையே வழங்கி அவற்றை முறையாக பயன்படுத்தி கடன் களை வங்கிக்கு செலுத்துவதை உறுதிசெய்தல்.

கூட்டுப்பொறுப்புக்குழு உறுப்பினர்கள்

1) இது ஒருமுறைசாரா அமைப்பு இக்குழுவில் 4 முதல் 10 வரை சிறுவணிகர்கள் இருக்கலாம்.
2) இக்குழுவில் ஆண்/பெண் தனியாகவோ அல்லது இருபாலரும் சேர்ந்தோ இருக்கலாம்.
3) குழுவின் உறுப்பினர்கள் வங்கியில் கடன்பெறுவதற்கு வங்கிக்கு கூட்டு உத்திரவாதம் கொடுப்பார்கள்.
4) இவர்கள் குறைந்த அளவு நிதி ஆதாரங்களை கையாளும் குழுவினராக இயங்குவார்கள்.
5) இக்குழுக்கள் கூட்டுறவு வங்கிகளால் தொடங்கப்படும் அமைப்புசாரா குழுக்கள் என்பதால் இவற்றை பதிவு செய்ய வேண்டியதில்லை.
6) இக்குழுக்கள் தரம் பிரிக்க வேண்டிய அவசியமும் இல்லை.
7) இக்குழுக்கள் சேமிப்புக் கணக்கு வங்கியில் உடனே தொடங்கலாம்.

குழுவில் உறுப்பினராவதற்கு தகுதிகள்

1) அந்தந்த பகுதியில் தினமும் வணிகம் செய்பவர்களை கொண்டு குழுக்கள் அமைக்கப்பட வேண்டும்.
2) ஒரு குடும்பத்திலிருந்து ஒருவர் மட்டுமே குழுவில் உறுப்பினராக வேண்டும்.
3) ஒவ் வொரு குழுவிலும் உள்ள உறுப்பினர்ககள், ஒரே வகையான வணிகமோ, அல்லது வெவ்வேறு வணிகமோ தினமும் வணிகம் செய்பவர்களாக இருக்க வேண்டும்.
4) உறுப்பினர்கள் வேறு எந்த வங்கியிலும் கடன் பெற்று தவணை தவறியவர்களாக இருக்கக்கூடாது.
5) ஒவ் வொரு குழுவும் பொறுப்புடன் செயல்பட ஒரு ஊக்குநரையும் ஒரு பிரதிநிதியையும் நியமித்துக் கொள்ளலாம்.
6) இவர்கள் இருவரும் நிர்ணயிக்கப்பட்ட பதிவேடுகளை பேண வேண்டும். இவர்களுக்கு குழுவின் சேமிப்பு கணக்கில் வரவு செலவு செய்வதற்கு அதிகாரம் வழங்கலாம்.

கூட்டுப்பொறுப்புக்குழுவுக்கு கடன் வழங்குதல்

கூட்டுப்பொறுப்புக்குழுவுக்கு சிறுவணிகக் கடன் தனியாகவோ அல்லது கூட்டாகவோ வழங்கலாம்.

வட்டி

வட்டி 12% விழுக்காடு
தவணை தவறிய வட்டி 3% விழுக்காடு

கடன் காலம்

இக்கடன் 147 நாட்களுக்குள் செலுத்த வேண்டும்.

கடன் அளவு

தனிநபர் ஒருவருக்கு ரூ10,000/- (பத்தாயிரம்) வரை கடன் வழங்கலாம்.

கடனை திரும்ப செலுத்துதல்

கடனை தினமும் அல்லது வாரம் ஒருமுறை திரும்ப செலுத்தலாம்.

விளிம்புத் தொகை

விளிம்புத் தொகை கடன் அளவில் 5 விழுக்காடாக இருக்கும்

கடனுக்கு ஆதாரம்

1) கடனுக்கு சொத்து ஆதாரம் எதுவும் தேவை இல்லை.
2) உறுப்பினர்கள் கூட்டாக வழங்கும் உறுதிமொழி ஆவணம் போதுமானது.

ஆவணங்கள்

1) இருப்பிட ஆதாரம் / குடும்ப அட்டை
2) புகைப்படம்
3) குறிப்பிட்ட வணிகம் செய்து வருகிறார் என்பதற்குகுழுவின் சான்று
4) தனிநபர் அடையாள அட்டை

குறித்த காலத்தில் கடன் வசூல்

வழங்கிய கடன் களை குறித்த காலத்தில் வசூல் செய்யப்படுவதை கிளைமேலாளர் உறுதி செய்ய வேண்டும்.